ABŞ Ukrayna Silahlı Qüvvələrinin qələbə qazanmasına kömək etmir və Rusiyaya qarşı müharibədə Ukraynanın qələbəsini qarşısına məqsəd qoymur...
Poliqon xəbər verir ki, bunu təqaüddə olan amerikalı general, ABŞ Quru Qoşunlarının keçmiş komandanı Ben Hodces Kyiv Post-a müsahibəsində deyib.
O qeyd edib ki, Ağ Ev Ukraynanın qələbə qazanmaq istəyi ilə bağlı qərar qəbul etməyib və bunun qarşısını Rusiya Federasiyasının nüvə silahından istifadə ilə bağlı hədələrindən hədsiz qorxu alır.
"Ağ Ev bu qərarı sadəcə qəbul etməyib, hətta Ağ Evin hədəfi də deyil, sadəcə bunu istəmirlər. Rusiya Rusiyanın özündə xaos olmadan təslim olub evə getsəydi, hamı bunu sevərdi. Lakin onlar bu məqsədə çatmaq üçün lazım olanı etməyə hazır deyillər", deyə Hodces bildirib.
"Biz niyə belə əminik ki, Rusiya uduzmağa başlayanda nüvə silahından istifadə edəcək? İki il əvvəl, ukraynalılar Xarkov vilayətini, Xersonu azad edəndə, rusları geri itələdikdə bundan istifadə etmədilər. Halbuki, ukraynalıların irəliləməsinə mane olan yeganə şey bu idi", deyə istefada olan general vurğulayıb.
O, həmçinin ABŞ-ın milli təhlükəsizlik müşaviri Ceyk Sallivanın döyüş meydanında ən güclü mövqeyə sahib olmaq üçün Ukraynaya kömək etmək lazım olduğuna dair bəyanatlarını tənqid edib.
"Bu nə deməkdir? Mümkün qədər güclü mövqe, nə etməkdir?" deyən general Rusiyanın məğlubiyyətinin ABŞ-ın strateji maraqlarına uyğun olduğunu və Ukraynanın bütün işləri görməyə hazır olduğunu bildirib.
"Onların sadəcə bizdən vasitələrə və öhdəliklərə ehtiyacları var", deyə Hodces əlavə edib.
Onun fikrincə, Ukraynanın Rusiyaya dərin zərbələr endirmək üçün Qərb silahlarından istifadə etməkdə məhdud olmasının heç bir hüquqi, mənəvi və ya əməliyyat səbəbləri yoxdur:
"Bu siyasəti kim hazırlayıbsa, bu, nəinki hərbi baxımdan heç bir məna kəsb etmir, həm də strategiyanın, nail olmağa çalışdığımız strateji hədəfin olmamasından xəbər verir. Məqsədiniz olmasa, yaxşı siyasət qura bilməzsiniz".
Poliqon.info
Digərxəbərlər
Populyar xəbərlər
