İranın ruhani lideri və ali məmuru Ayətullah Əli Xameneinin nüvə bombasının yaradılmasının qadağan edilməsi ilə bağlı verdiyi fətva ölkədə heç bir müzakirə mövzusu ola bilməz, bu qərar dəyişdirilməyəcək...
Poliqon xəbər verir ki, bu barədə İranın xarici işlər naziri vəzifəsini icra edən Əli Baqiri Kani bildirib.
"İran nüvə məsələsində həddən kənara çıxmaq fikrində deyil. Bu, İran ali liderinin fitvasıdır... Onun verdiyi əmr və fətvaların hamı (bütün orqanlar) tərəfindən icrası məcburidir", deyə Əli Baqiri Kani bildirib.
Əli Baqiri Kani həmçinin Livanla danışıqların davam etdirilməsi və bu ölkənin hakimiyyət orqanları ilə məsləhətləşmələrin aparılmasını İran İslam Respublikasının mühüm prioritetlərindən biri hesab edib və İranın Livanın sabitlik və təhlükəsizliyinə güclü dəstəyini vurğulayıb. Xarici işlər naziri vəzifəsini icra edən diplomat Livanın regional sabitlikdə əsas roluna toxunaraq əlavə edib: "İran İslam Respublikası keçmişdə olduğu kimi Fələstində müqaviməti dəstəklədiyini vurğulayır, eyni zamanda İsrail rejiminin hücumlarını dayandırmağa çalışır. Fələstinlilər Fələstinin əsl sahibləridir və onlar öz torpaqları və gələcəyi üçün qərar verməlidirlər".
Diplomatik xidmətin rəhbəri İsrailin məzlum Qəzza xalqına qarşı cinayət və hücumlarının davam etməsinin qarşısının tezliklə alınmasının vacibliyini vurğulayıb. O, bu məsələnin diqqətdən kənarda qalması və rejimin hücumlarının genişlənməsini regionda böhranın şiddətlənməsinin mənbəyi adlandırıb və bəyan edib ki, islam ölkələri sionist rejimi Livana qarşı təhdiddən təəssüf hissi keçirməlidir.
Bundan əvvəl İranın seçilmiş prezidenti Məsud Pezeşkian bildirmişdi ki, Qərb İranın dinc nüvə proqramı ətrafında qəsdən böhran yaradıb, Tehran Vaşinqtonu yanaşmasını dəyişməyə çağırır. Eyni zamanda o qeyd edib ki, Birləşmiş Ştatlar eyni zamanda İsrailin nüvə arsenalını dəstəkləyir.
Poliqon.info
Digərxəbərlər
Populyar xəbərlər
