Azərbaycan idmançılarının Fransanın paytaxtı Parisdə keçiriləcək Yay Olimpiya Oyunlarına təntənəli yola salınma mərasimi keçirilib...
Azərbaycan idmançılarının Fransanın paytaxtı Parisdə keçiriləcək Yay Olimpiya Oyunlarına təntənəli yola salınma mərasimi keçirilib.
"Report"un məlumatına görə, Gənclər və İdman Nazirliyinin təşkilatçılığı ilə Milli Gimnastika Arenasında təşkil olunmuş mərasimdə azarkeşlər, idmançıların yaxınları, müxtəlif federasiyaların rəsmiləri, nazirliyin əməkdaşları və digər şəxslər iştirak ediblər.
Tədbir Azərbaycan Dövlət Himninin səsləndirilməsindən sonra start götürüb.
Yolasalma mərasimində iştirak edən gənclər və idman naziri Fərid Qayıbov idmançılara uğurlar arzulayıb.
O, yarış iştirakçılarının Olimpiadaya ciddi hazırlaşdığını söyləyib.
Qeyd edək ki, iyulun 26-dan avqustun 11-dək Parisdə keçiriləcək XXXIII Yay Olimpiya Oyunlarında 48 idmançı 15 idman növü üzrə 17 proqramda Azərbaycanı təmsil edəcək.
Poliqon.info