Polis Fransanın bir neçə şəhərində genişmiqyaslı əməliyyat keçirib və bu əməliyyat zamanı çeçen diasporunun üzvləri saxlanılıb...
Poliqon xəbər verir ki, bu barədə “France 3” telekanalı mənbələrə istinadən məlumat yayıb. Telekanalın məlumatına görə, həbslər Reyms, Strasburq və Tuluza da daxil olmaqla 12 şəhərdə aparılıb.
Telekanalın mənbələrinin məlumatına görə, saxlanılan çeçen diasporunun üzvləri radikal islamçı qrupların üzvləri ola bilər. Ümumilikdə təxminən on nəfər saxlanılıb. Onlardan birinin fransız orta məktəb müəllimi Samuel Patinin qatili ilə əlaqəli olduğu bildirilir.
Qeyd edək ki. 47 yaşlı müəllim Samuel Pati 16 oktyabr 2020-ci ildə Konflans-Sainte-Honorine şəhərində tarix və coğrafiyadan dərs dediyi məktəbin yaxınlığında öldürülüb. Onu 18 yaşlı çeçen Abdulaxan Anzorov qətlə yetirib. O, tələbələrinə Məhəmməd peyğəmbərin karikaturalarını göstərdiyi üçün müəllimi öldürmək qərarına gəldiyini etiraf edib.
Poliqon.info
Digərxəbərlər
Populyar xəbərlər
