Rumıniya prezidenti Klaus İohannis Vaşinqtonda keçirilən alyans sammitindən sonra bildirib ki, NATO ölkələri Ukraynaya vəd edilmiş həm maliyyə, həm də hərbi yardımın yalnız yarısını çatdırıb...
Poliqon xəbər verir ki, İohannis bu barədə Vaşinqtonda mətbuat konfransında bildirib. Onun sözlərinə görə, əgər müttəfiqlər Ukraynanın qalib gəlməsini istəyirlərsə, yardımın həcmini artırmaq lazımdır.
“Hamımızın Ukraynaya verdiyi yardıma gəlincə, düşünürəm ki, realist olmağın vaxtı çatıb. Söz verdiyimizin təxminən yarısını çatdırmışıq və bu kifayət deyil. Biz puldan danışmırıq, çünki Avropa İttifaqının vəd etdiyi pullar verilmişdi, ABŞ-ın vəd etdiyi pullar demək olar ki, tam təmin edilib”, deyə İohannis bildirib.
Rumıniya prezidenti misal kimi NATO ölkələrinin döyüş sursatı və artilleriya tədarükü ilə bağlı vədlərini göstərib. Klaus İohannis vurğulayıb ki, Ukrayna hələlik bu paket yardımların çox hissəsini almayıb.
Xatırladaq ki, iyulun 9-11-də baş tutan NATO sammitindən sonra alyans ölkələri 2025-ci ildə Ukraynaya 45 milyard avro ayırmağa söz veriblər. Həmçinin sammitdə ABŞ-ın dəstəyi ilə Amerika F-16 qırıcılarının Danimarka və Hollandiyadan Ukrayna Silahlı Qüvvələrinə təhvil verilməsi prosesinin başladığı açıqlanıb. Bundan əlavə, alyans üzvləri Ukraynanın hava hücumundan müdafiə sistemini gücləndirmək qərarına gəliblər.
Poliqon.info
Digərxəbərlər
Populyar xəbərlər
