Baş nazir Viktor Orban bildirib ki, 20 il əvvəl Macarıstan Avropa Birliyinə üzv olmaq qərarına gələndə birlik indiki kimi deyildi...
Poliqon xəbər verir ki, Macarıstanın baş naziri bunu Orban “Kossuth” radiosunun efirində bildirib.
Orban xüsusilə, 2004-cü ildə miqrasiya məsələsinə daha ciddi nəzarət edildiyini, təhlükəsizlik səviyyəsinin daha yüksək olduğunu diqqətə çatdırıb. Bununla belə, baş nazir qeyd edib ki, bu şəraitdə belə Macarıstanın “kənarda olmaqdansa, Avropa İttifaqının daxilində olması” daha yaxşıdır.
“Biz bu cür Avropa İttifaqına daxil olmamışıq. Mən özüm 2004-cü ildə Aİ-yə üzv olmaq üçün kampaniya aparmışam və hələ də Aİ daxilində olmağı ittifaq xaricində olmaqdan daha yaxşı olduğuna inanıram. Amma eyni zamanda gizlətmək istəmirəm ki, biz 2004-cü ildə üzv olanda tamamilə fərqli bir Avropa İttifaqı vardı”, deyə Orban vurğulayıb.
Viktor Orban həmçinin qeyd edib ki, Macarıstan özünü təhlükəsiz hiss etmək və böyük Avropa ölkələrinin bazarlarına sərbəst çıxış əldə etmək üçün Avropa Birliyinə üzv olub. Lakin indi Macarıstanın baş nazirinin sözlərinə görə, Ukraynadakı döyüşlər səbəbindən Avropa ciddi iqtisadi və təhlükəsizlik böhranı yaşayır.
“Macarıstanın diqqəti, əlbəttə ki, Avropada qalır, lakin biz əvvəlki onilliklərlə müqayisədə Macarıstan iqtisadiyyatının diapazonunu əhəmiyyətli dərəcədə genişləndirməliyik”, deyə başnazir qeyd edib.
Poliqon.info
Digərxəbərlər
Populyar xəbərlər
