Almaniyada Azərbaycan və Ermənistan xarici işlər nazirlərinin iki günlük danışıqları başa çatıb...
Kamran Məmmədli: “Almaniyada baş tutan bu görüş Qarabağ münaqişəsinin bitməsindən sonra tərəflər arasında keçirilən ilk Berlin formatlı görüş oldu”.
“Almaniya digər Avropa ölkələrinə nisbətdə Azərbaycana qarşı neytral olmağa çalışan ölkələr arasındadır. Bunu hətta prezident İlham Əliyev də son çıxışında vurğuladı”.
Bu sözləri siyasi-şərhçi Kamran Məmmədli Azərbaycan və Ermənistan xarici işlər nazirlərinin Berlin görüşünün nəticələrini Poliqon-a şərh edərkən qeyd edib.
Dünən Almaniyada Azərbaycan və Ermənistan xarici işlər nazirlərinin iki günlük danışıqları başa çatıb. Danışıqların nəticələri barədə məlumat verilməsə də bəzi siyasi şərhçilər bu danışıqlarda ciddi irəliləyişin olmadığını vurğulayırlar.
Ümumilikdə, Almaniyada baş tutan bu danışıqları necə dəyərləndirmək olar və danışıqların baş tutması belə uğur hesab oluna bilərmi?
Azərbaycan və Ermənistan XİN rəhbərlərinin son görüşünü Poliqon-un əməkdaşı siyasi-şərhçi Kamran Məmmədli ilə müzakirə edib.
Kamran Məmmədli: “Danışıqların özü belə sülh üçün bir addımdır və uğur sayıla bilər”.
Almaniyada baş tutan bu danışıqların baş tutması, iki ölkə arasında dialoqun davam etməsi və sülh prosesinin dayanmaması üçün müsbət bir addım olduğunu vurğulayan siyasi-şərhçi Poliqon-a açıqlamasında qeyd edib ki, danışıqlar tərəflərin bir-birini daha yaxşı anlamağa, mövqelərini bölüşməyə və ortaq həll yolları tapmağa imkan yaradır:
“Almaniyada baş tutan bu görüş Qarabağ münaqişəsinin bitməsindən sonra tərəflər arasında keçirilən ilk Berlin formatlı görüş oldu. Bildiyiniz kimi, bundan əvvəl Moskva, Brüssel və Vaşinqton formatlarında görüşlər aparılmışdır. Hesab edirəm ki, görüşün Almaniyada keçirilməsində əsas məqsəd, Azərbaycanı razı salmaq idi. Çünki Almaniya digər Avropa ölkələrinə nisbətdə Azərbaycana qarşı neytral olmağa çalışan ölkələr arasındadır. Bunu hətta prezident İlham Əliyev də son çıxışında vurğuladı.
O ki qaldı, bu danışıqların nəticələrinə, görünən odur ki, danışıqlarda ciddi irəliləyiş olmayıb. Ancaq əlbətdə, danışıqların özü belə sülh üçün bir addımdır və uğur sayıla bilər. Lakin Ermənistan anlamalıdır ki, sülh prosesinə əngəl yaradan və bizə qeyri-adekvat tələblər irəli sürən məhz onların özüdür. Ermənistanın daha konstruktiv və realist olması lazımdır. Bu prosesin yubadılmasında günahı da özündə axtarmalıdır.
Ümumilikdə, Almaniyada baş tutan bu danışıqların baş tutması, iki ölkə arasında dialoqun davam etməsi və sülh prosesinin dayanmaması üçün müsbət bir addımdır. Belə ki, danışıqlar tərəflərin bir-birini daha yaxşı anlamağa, mövqelərini bölüşməyə və ortaq həll yolları tapmağa imkan yaradır”.
Nərminə UMUDLU
Poliqon.info
Digərxəbərlər
Populyar xəbərlər
