Noyabrın 28-də Ukraynanın “Babel” nəşri kəşfiyyat mənbələrinə istinadən Ukrayna Müdafiə Nazirliyinin Baş Kəşfiyyat İdarəsinin (GUR) rəhbəri Kirill Budanovun həyat yoldaşı Marianna Budanovanın ağır metallarla zəhərləndiyini yazıb. Yerli media daha bir neçə nəfərin zəhərləndiyini iddia edir.
Poliqon Rusiyanın Kommersant” nəşrinə istinadən Ukrayna Kəşfiyyat rəhbəri haqqında məlum olanları təqdim edir.
Budanov Kirill Alekseeviç 4 yanvar 1986-cı ildə Kiyevdə anadan olub. 2007-ci ildə Odessada Hərbi Akademiyanı bitirib. O, Ukrayna Baş Kəşfiyyat İdarəsinin xüsusi təyinatlı bölmələrində müxtəlif vəzifələrdə çalışıb.
2014-cü ilin yazından o, Ukraynanın cənub-şərqində hərbi əməliyyatlarda iştirak edib. Rusiya FTX-nın məlumatına görə, 2016-cı ilin avqustunda o, Krım ərazisində planlaşdırılan terror aktlarının hazırlanmasında iştirak edib.
2019-cu ildə Kirill Budanovun avtomobili minalanıb, lakin bomba vaxtından əvvəl partlayıb. O vaxtdan bəri, Budanov ən azı on sui-qəsd cəhdindən sağ çıxdığını söyləyir.
2020-ci ildə o, Ukrayna Xarici Kəşfiyyat Xidmətinin departament direktorunun müavini olub. 2020-ci ilin avqustunda Baş Kəşfiyyat İdarəsinə rəhbərlik edib.
Rusiya FTX-nın məlumatına görə, 2022-ci ilin oktyabrında o, Krım körpüsündə terror aktının hazırlanmasında iştirak edib. 2022-ci ilin aprelindən o, Rusiya ərazisinə bir sıra dron hücumları təşkil edib.
2023-cü il aprelin 21-də Moskvanın Lefortovo Rayon Məhkəməsi Kirill Budanovu terrorçu birlik yaratmaqda, bir qrup şəxs tərəfindən qanunsuz silah əldə etməkdə və bir qrup şəxs tərəfindən qanunsuz olaraq partlayıcı qurğular əldə etməkdə ittiham edərək, qiyabi həbs edib.
2023-cü ilin mayında ISLND TV-yə verdiyi müsahibədə Budanov rusiyalı jurnalist Daria Duqinanın ölümündə Ukrayna tərəfinin əli olması ilə bağlı sualı belə şərh edib: “Biz rusları öldürdük və Ukraynanın tam qələbəsinə qədər bu dünyanın istənilən yerində rusları öldürməyə davam edəcəyik”.
O, Ukrayna Prezidenti yanında Kəşfiyyat Komitəsinin rəhbəridir. Məhkumların saxlanması və dəyişdirilməsi üzrə koordinasiya qərargahına rəhbərlik edir.
General leytenantdır. Hərbi Xidmətə görə xaç ordeni ilə təltif edilib. Ukraynanın “İgidliyə görə” ordeninin sahibidir.
Poliqon.info
Digərxəbərlər
Populyar xəbərlər
