Qlobal əksəriyyət çoxqütblü arxitektura daxilində mövcud olmaq istəyir və onu gücləndirmək lazımdır...
Poliqon xəbər verir ki, bunu Rusiyanın xarici işlər naziri Sergey Lavrovun nazirliyin saytında dərc olunmuş məqaləsində deyib.
Lavrovun fikrincə, BMT Baş Assambleyasının 78-ci sessiyasındakı müzakirə inandırıcı şəkildə təsdiq edib ki, dünyada dramatik dəyişikliklər baş verir. Onun sözlərinə görə, “gözümüzün qarşısında yeni, daha ədalətli çoxqütblü dünya nizamı qurulur”.
Lavrov qeyd edib ki, dünya əhalisinin 85%-ni təmsil edən qlobal əksəriyyət qlobal faydaların daha ədalətli bölüşdürülməsi və beynəlxalq həyatın ardıcıl demokratikləşməsinin tərəfdarıdır. Onun fikrincə, ABŞ-ın başçılıq etdiyi bir qrup Qərb ölkəsi "hadisələrin təbii gedişatını ləngitmək və onların əlçatmaz hökmranlığını saxlamaq üçün neokolonial üsullardan istifadə etmək" istəyir.
Lavrovun fikrincə, dünya əksəriyyəti suverenliyi möhkəmləndirməyə, milli maraqları, adət-ənənələri, mədəniyyət və həyat tərzini müdafiə etməyə çalışır və “kimsənin diktəsi ilə yaşamaq istəmir, bir-biri ilə və digər xalqlarla yalnız bərabər şərtlərlə və qarşılıqlı fayda üçün dostluq etmək, ticarət etmək istəyirlər".
Rusiya Xarici İşlər Nazirliyinin rəhbəri əlavə edib ki, bu əhval-ruhiyyə BRICS, G20-nin son sammitləri və Şərqi Asiya Sammiti zamanı üstünlük təşkil edib.
Poliqon.info