Azərbaycanlı dividend gəlirlərinə görə Rusiyanın ən varlısı oldu

Poliqon xəbər verir ki, siyahıya dividend gəliri 155,7 milyard rubl olaraq qiymətləndirilən “Lukoil”in əsas səhmdarı, Azərbaycan əsilli Vahid Ələkbərov rəhbərlik edir.

Forbes xatırladıb ki, 2022-ci ilin dekabrında “Lukoil” 2021 və 2022-ci ilin 9 ayı üçün ümumi məbləği 549 milyard rubl olan dividendlərin ödənilməsini elan edib.

Reytinqdə ikinci yerdə “Norilsk Nikel”in prezidenti və həmsahibi Vladimir Potanin qərarlaşıb. Onun “Norilsk Nikel”in aktivlərindən əldə etdiyi dividend gəliri 149 milyard rubl təşkil edib.

Üçüncü yeri “XTX Markets”in təsisçisi Aleksander Gerko tutub. Ticarət şirkətinin təsisçisinin dividend gəliri 141 milyard rubl olaraq qiymətləndirilir.

Dördüncü və beşinci yerlərdə “Novatek” və “Sibur” şirkətlərinin ortaq sahibləri Leonid Mixelson və Gennadi Timçenko qərarlaşıb. Onlar 104,1 milyard rubl və 82,9 milyard rubl məbləğində dividend gəliri əldə ediblər.

İlk onluğa həmçinin Andrey Quryev və ailəsi (81 milyard rubl), Əlişir Usmanov (64,7 milyard rubl), Leonid Fedun (51,2 milyard rubl), Yuri Antipov və ailəsi (43,2 milyard rubl), Andrey Skoç və ailəsi (39,9 milyard rubl) daxildir.

Forbes qeyd edib ki, bir çox iri şirkətlər 2022-ci ildə dividend ödəməyib, buna görə də reytinqdə 23 yeni iştirakçı meydana çıxıb. Onların arasında “Sportmaster”in üç təsisçisi - Vladimir Fartuşnyak, Nikolay Fartuşnyak və Aleksandr Mixalski də var. Reytinqə “X Holding”in sahibi Anton Çerepennikov və “Merkuri” qrupunun təsisçiləri Leonid Strunin və Leonid Fridlyand da daxildir.

Poliqon.info