Siyavuş Novruzov: Azərbaycan hərbçilərini şirnikləşdirmək istəyənlər peyda olub

“Azərbaycan hərbçilərini şirnikləşdirmək istəyənlər peyda olub, bunun qarşısı alınmalıdır”.

APA xəbər verir ki, bunu Milli Məclisin bu gün keçirilən iclasında parlamentin Regional məsələlər komitəsinin sədri Siyavuş Novruzov deyib.

Deputat bildirib ki, ayrı-ayrı ölkələrdə saytlar yaradılır və Azərbaycandakı hərbçilərə müraciətlər daxil olur: “O cümlədən keçmiş Əfqanıstanda xidmət edən hərbçilərə də müraciətlər olur. Onlara müxtəlif formada vədlər verilir. Əmək haqları təklif olunur ki, muzdlu şəkildə proseslərdə iştirak etsinlər. Hesab edirəm ki, bunun qarşısı kəskin şəkildə alınmalıdır. Bir çox vətəndaşımızı şirnikləndirmə yolu ilə vaxtı ilə İŞİD-ə cəlb etmişdilər. Odur ki, buna yol verməməli, bunu qanunla tənzimləməliyik”.

Poliqon.info