İsrailin müdafiə naziri Yoav Qallant “Qalxan və ox” əməliyyatının başlamasından sonra Qəzza zolağından İsrailə 400-ə yaxın raket atıldığını bildirib...
Poliqon xəbər verir ki, bu barədə İsrailin Ynet Xəbər Agentliyinin məlumatında bildirilir.
“İsrailə 400-ə yaxın raket atılıb, onların təxminən dörddə biri Qəzza zolağına düşüb, raketlərin əhəmiyyətli hissəsi açıq ərazilərə düşüb, raketlərin bir hissəsi vurulub və təəssüf ki, evlərə bir neçə zərbə endirilib!, deyə Qallant bildirib.
Qeyd edək ki, daha əvvəl İsrail Müdafiə Qüvvələrinin mətbuat xidməti Telegram kanalında bildirmişdi ki, gün ərzində ikinci dəfə Təl-Əviv və şəhərətrafı ərazilərdə hava hücumu sirenləri səslənib. Fələstin İslami Müqavimət Hərəkatının (HƏMAS) vasitəçilərdən İsrail hakimiyyətindən Qəzza zolağındakı fələstinli qruplarla atəşkəsə hazır olması barədə mesaj aldığı da bildirilib. Misir, Qətər və BMT nümayəndələri Qəzzadakı radikal Fələstin qrupları ilə İsrail hakimiyyəti arasında təmaslarda iştirak edir.
Poliqon.info
Digərxəbərlər
Populyar xəbərlər
