General-mayordan iddia: Belarusda nüvə silahı yoxdur

Poliqon xəbər verir ki, hərbçi bu barədə "Radio NV"nin efirində danışıb.

"İndi bunu qəbul etmək üçün baza hazırlayıblar. Tamamilə hazırdır, tamamilə yeniləyiblər. Minskdən çox da uzaqda deyil. Xarakterik odur ki, bu məsafə Ukrayna ilə sərhədə kifayət qədər yaxındır. Əgər həqiqətən istəyirsənsə, bizdə olan imkanlarla belə ora çata bilərsən. Amma eyni zamanda, bu baza bərpa olunub, orada təhlükəsizlik var - təkcə Belarusun deyil, həm də Rusiyanın. Taktiki nüvə silahlarının olub-olmaması - heç kim təsdiqini vermir. Ancaq hamı başa düşür ki, protokola görə, necə tətbiq edilməlidir - belarusların buna açıq şəkildə çıxışı yoxdur", deyə Yaqun bildirib.

O, həmçinin MKİ-nin Müdafiə Qüvvələrinin əks-hücum əməliyyatı apardığı 2022-ci ildə Rusiyanın nüvə silahından istifadə edə biləcəyi ilə bağlı məlumatını şərh edib. Yaqun xüsusən də Rusiyanın bu cür əməliyyatlara hazırlığı barədə Qərb xüsusi xidmət orqanlarının məlumatı haradan əldə etdiyini izah edib.

"Nüvə mühəndislərinin işlədiyi mühitdə mənbələriniz, strateji çəkindirmə qüvvələrində xidmət edən mənbələriniz və əlbəttə ki, hökumətdə bu mexanizmin işləməsini təmin edən mənbələriniz olmalıdır. Əgər belə bir məlumat varsa, o müxtəlif mənbələrdən təsdiqlənir, bu məlumat obyektiv hesab olunur", deyə Yagun əlavə edib.

Bir gün əvvəl Mərkəzi Kəşfiyyat İdarəsinin direktoru Uilyam Börns 2022-ci ilin payızında Putinin Ukraynaya qarşı nüvə silahından istifadə edə biləcəyi ilə bağlı real riskin olduğunu bildirib. O əlavə edib ki, 2022-ci ilin sonunda Türkiyədə Rusiya kəşfiyyatının rəhbəri Narışkinlə görüş keçirib və orada mümkün nüvə zərbəsinin nəticələri ilə hədələyib.

Bu arada "Interesting Engineering" portalı araşdırma aparıb və müəyyən edib ki, ABŞ Rusiya və Çinin bütün nüvə başlıqlarını 2 saat ərzində məhv edə bilər. Hesabatda deyilir ki, ABŞ və müttəfiqlərinin silah və zərbə imkanlarında üstünlüyü Rusiya və Çində qorxu yarada bilər və artıq silahlanma yarışına töhfə verə bilər.

Poliqon.info