“Mançester Siti” ilə rekordlar qıran norveçli ulduz Erlinq Haaland illik maaşı və bonuslarla gündəmə gəlib...
Poliqon "The Sun"a istinadən xəbər verir ki, “Mançester Siti” Premyer Liqa, Çempionlar Liqası və İngiltərə Kubokunu qazanarsa, 22 yaşlı hücumçu böyük məbləğdə bonuslar qazanacaq.
"Mançester Siti"nin mövsümün əvvəlində Dortmund "Borussiya"sından 60 milyon avroya transfer etdiyi Haaland illik 51,4 milyon funt-sterlinq (57 milyon avro) maaş alır. Komanda Çempionlar Liqasını qazansa, norveçli ulduz əlavə olaraq 1 milyon funt-sterlinq (1 milyon 100 min avro) mükafat alacaq.
“Mançester Siti” Premyer Liqanı zirvədə başa vursa, norveçli ulduz yenidən 1 milyon funt-sterlinq bonus qazanacaq. Komanda İngiltərə Kubokunda əzəli rəqibi “Mançester Yunayted”lə də qarşılaşacaq. “Mançester Siti” İngiltərə Kubokunu qazansa, Haaland daha 350 min funt-sterlinq (395 min avro) əldə edəcək.
"Mançester Siti" bütün yarışlarda çempion olarsa, Haalandın illik qazancı təxminən 60 milyon avro olacaq.
Qeyd edək ki, cari mövsümdə keçirdiyi 46 oyunda 51 qol vuran və 8 məhsuldar ötürmə edən 22 yaşlı futbolçu bir neçə rekord qıraraq, adını tarixə yazıdırıb. Norveçli hücumçu Premyer Liqada bir mövsümdə vurulan qol rekordu qırıq. Haaland liqada 35-ci qolunu "Vest Hem"ə vurur ki, bu da rekord olub. Əvvəlki rekorda 34 qolla Alan Şirer və Endryu Koul sahib idi.
Poliqon.info