Pəhləvi İran rejiminə qarşı müqaviməti böldü: Əsas sima istefaya getdi

Globalinfo.az xəbər verir ki, təşkilatın əsas liderlərindən olan Həmis Esmailiyun şuranı tərk etdiyini açıqlayıb. Esmailiyun buradan çıxmasına əsas səbəb kimi vəliəhd şahzadə Reza Pəhləvinin onların dediklərinə məhəl qoymamasını, daxili söhbətləri ictimailəşdirməsini göstərib.

Aktivist şuranı tərk etməsinin Pəhləvinin İsrail səfəri ilə əlaqəsinin olmadığını deyib. Esmailiyun qərarının İrandakı inqilab prosesinə təsir etməyəcəyini söyləyib:

“İrandakı inqilab sakitləşməyəcək. İslam respublikası bizimlə yaxud bizsiz ya dağılacaq, ya devriləcək. Bu iş İranın daxilində baş verir və onu İran xalqı müəyyən edəcək. Bizim borcumuz sadəcə daxildəki insanları güclü etməkdir”.

Qeyd edək ki, Həmrəylik Şurasının tərkibində Esmaliyunla bərabər Reza Pəhləvi, Şirin Ebadi, Abdulla Mehtadi, Məsih Əlinecat və Nazənin Fanadi kimi simalar yer alıb. Esmayılun İrandakı hadisələr başlayandan indiyə qədər İranlı mühacirlər arasında əsas nüfuz sahibi olan simalardan sayılıb. Onun həmçinin İrandakı inqilaba lider siması statusunu qazanacağı da bir zamanlar təxminlər sırasında yer alıb.

Polqon.info