ABŞ beynəlxalq maliyyəçilərə Rusiya ilə bağlı xəbərdalıq edib…

ABŞ, Avropa İttifaqı və Böyük Britaniyanın rəsmiləri Rusiyanın Qərb sanksiyalarından yayınmaq cəhdləri barədə onlara məlumat vermək üçün maliyyə institutları ilə görüşlər keçirib.

Poliqon xəbər verir ki, bu barədə Reuters Agentliyi ABŞ Maliyyə Nazirliyindəki mənbələrə istinadən məlumat yayıb.

ABŞ kəşfiyyatının yüksək rütbəli rəsmiləri Moskvanın maliyyə və ixrac məhdudiyyətlərindən yan keçmək üçün QRU və FTX resurslarından istifadə etdiyinə dair sübutlar paylaşıblar. Görüş Dünya Bankı və Beynəlxalq Valyuta Fondunun yaz iclasları çərçivəsində baş tutub.

İclasda iştirak edənlər arasında ABŞ maliyyə nazirinin müavini Uolli Adeyemo, Aİ komissarı Mairead MakQinnes, Böyük Britaniya Xəzinədarlığının Beynəlxalq Maliyyə üzrə baş direktoru Lindsi Uayt, Mərkəzi Kəşfiyyat İdarəsinin direktor müavini Devid Koen və Milli Kəşfiyyatın direktor müavini Morqan Muir var.

Reuters Agentliyinin mənbəsi qeyd edib ki, maliyyə institutları təkcə Qərb yurisdiksiyalarında deyil, həm də üçüncü ölkələrdə sanksiyalardan yayınma ilə məşğul olmağa hazır olduqlarını bildiriblər. ABŞ Maliyyə Nazirliyində vurğulandığı kimi, rəsmilər Rusiya ordusunun ilk növbədə axtardığı mallar haqqında məlumat paylaşıb və onları əldə etmək üçün xüsusi xidmət orqanlarının resurslarından istifadə edir.

“İndi Rusiyanın yüksək dəqiqlikli raketlər yaratmaq üçün təkcə elektronikaya deyil, həm də döyüş sursatı istehsalı üçün daha sadə komponentlərə ehtiyacı olduğu həlledici məqamdır” deyən Maliyyə Nazirliyinin rəsmisi Moskvanın silah istehsalı üçün lazım olan materialların ciddi çatışmazlığı ilə üzləşdiyini qeyd edib.

Xəbərdə qeyd edilir ki, yaxın vaxtlarda maliyyə nazirinin terrorizmin maliyyələşdirilməsi və maliyyə cinayətləri üzrə köməkçisi Elizabet Rozenberq Rusiyaya qarşı sanksiyalardan yayınmağı müzakirə etmək üçün Qazaxıstan və Qırğızıstana ayrı-ayrılıqda səfər edəcək.

Poliqon.info