Ortodks yəhudilər homoseksuallara qarşı - İsrail parlamenti qərar verəcək...

Yəhudi ultra-ortodokslar Hippokrat andını unutmağı təklif edirlər. Onlar həkimlərin LGBT xəstələrini “dini səbəblərə görə” müalicəsinin qadağan olunmasını istəyirlər.

PİA.az xarici mətbuata əsasən xəbər verir ki, İsraildə geylərin həkimlərə müraciət etməsi çətinləşəcək. Bu, Knesset ortodoks partiyaların təklifini təsdiqləsə baş verəcək. Qanun layihəsinə əsasən, əgər xəstəxana işçilərinin dini inanclarına ziddirsə, tibb müəssisələri cinsi azlıqlara aid olan xəstələrin qəbulundan imtina etmək hüququna malik olacaqlar.

Bəs Yaxın Şərqdə yeganə demokratiya adası olan İsraildə Hanukka bayramının ərəfəsində LGBT icması niyə qadağan edilir və bu yəhudi dövlətində insan hüquqlarına nə dərəcədə uyğundur?

Qaranlıq qüvvələr onlara zülm edir

Sionist partiyalar tərəfindən Knesset iclasının gündəliyinə çıxarılan qanun layihəsi mahiyyətcə ölkədə geylərin sosial hüquqlarına qarşı rəsmi ayrı-seçkiliyi təqdim edir. Bu qanun layihəsi cümə axşamı, dekabrın 29-da, Benyamin Netanyahunun altıncı dəfə İsrailin baş naziri kimi and içəcəyi zaman müzakirə olunacaq. Çox güman ki, homoseksuallara qarşı təşəbbüs eyni gündə və ya yaxın günlərdə qanuniləşdiriləcək, çünki yeni kabinet tamamilə “Otzma Yehudit” (Yəhudi Gücü), “Yəhudut ha-Tövrat” (Yəhudilərin Tövrat birliyi) və “Ha-Tziyonut ha-Datit” dən (Sionistlərin gücü) olan ortodoks partiyaların dəstəyindən asılıdır.

Sağçı Likud partiyasına rəhbərlik edən yeni seçilmiş baş nazir indiyədək cinsi azlıqlara qarşı ayrı-seçkilik xarakterli fikirlər nümayiş etdirməyib. Rəsmi olaraq vəzifəyə başlamazdan əvvəl Netanyahu LGBT icmasına aid olan həmvətənlərini əmin etmişdi ki, onun kabineti heç bir seqreqasiyaya icazə verməyəcək.

pia.az