Belaruslu tanınmış idmançı, üzgüçü Aleksandra Gerasimenko ölkəsinə qarşı sanksiya tətbiqi çağırışı etdiyinə görə 12 il müddətində azadlıqdan məhrum edilib…
PİA.az “RİA Novosti”yə istinadən xəbər verir ki, Belarusun tanınmış üzgüçü, Olimpiya və dünya çempionatının mükafatçısı Aleksandra Gerasimenko, ölkəyə qarşı sanksiyaların tətbiqinə çağırışda təqsirli bilinərək 12 il müddətinə azadlıqdan məhrum edilib. Qərar Minsk Şəhər Məhkəməsi tərəfindən qəbul edilib.
Qeyd edək ki, “cinayətə” görə müxalifətçi Belarus İdman Həmrəyliyi Fondunun təsisçisi Aleksandr Opeykin də eyni müddətə azadlıqdan məhrum edilib. Hər iki müxalifətçi hazırda ölkədən kənardadır.
Məhkəmə Opeikinin cəzasını ciddi rejimli koloniyada, üzgüçünün isə ümumi koloniyada çəkməsi barədə qərar çıxarıb. Bundan əlavə, müxalifətçi idmançlar vurulan maddi ziyana görə 220 min dollardan çox təzminat ödəmələdirlər. Ziyan görən tərəf olaraq isə Belarus İdman Birlikləri və Təşkilatları göstərilib
Hökm hələ qanuni qüvvəyə minməyib. Qərardan qanuni qaydada şikayət və etiraz edilə bilər.
pia.az
Digərxəbərlər
Populyar xəbərlər
