Kanadanın Toronto şəhərində 13-16 yaş arası səkkiz yeniyetmə qız 59 yaşlı evsiz kişini öldürməkdə ittiham olunub...
PİA.az Türkiyə mətbuatına istinadən xəbər verir ki, şübhəlilər bazar günü gecə yarısından sonra qurbanı bıçaqlamaqda günahlandırılır. Adı açıqlanmayan qurbanın evsizlər sığınacağında yaşadığı bildirilir.
Toronto meri Con Tori bu qətlin onu çox narahat etdiyini deyib. Toronto Polis Şöbəsindən detektiv Terri Braun jurnalistlərə bildirib ki, qurbanı yaralı halda tapan şahidlər polisə məlumat veriblər.
Bir müddət əvvəl sığınacaqda məskunlaşan zərərçəkənin aparıldığı xəstəxanada dünyasını dəyişdiyi açıqlanıb.
Kanada qanunlarına görə 18 yaşdan kiçik olduqları üçün şəxsiyyətləri açıqlanmayan gənc qızlar cinayət yerinin yaxınlığında saxlanılıb. Braun gənc qızların sosial mediada tanış olduğunu və onlardan üçünün polisdə cinayət qeydlərinin olduğunu bildirib. Braun deyir:
“Biz onların necə tanış olduqlarını və Toronto şəhərinin mərkəzinə niyə getdiklərini bilmirik”.
Gənc qızların, həmçinin, o gecə başqa bir davada da olduğu bildirilib.
Yaxınlıqdakı sığınacaqda yaşayan bir hadisə şahidi bildirib ki, gənc qızlar spirtli içki istəmək üçün qurbanın yanına gəliblər və o, müdaxilə edib özünü qorumaq istəyərkən qarnından bıçaqlanıb.
pia.az
Digərxəbərlər
Populyar xəbərlər
