Putin üçün limuzinlər istehsal edən şirkətin azərbaycanlı baş direktoru işdən çıxdı

Azərbaycanlı Adil Şirinov “Aurus”un baş direktoru vəzifəsindən gedib. Bu barədə şirkətin yaydığı məlumatda deyilir.

Bildirilib ki, avtomobil şirkətinin rəhbəri vəzifəsinin müvəqqəti icrası “Aurus” icraçı direktoru olan Nikolay Xodoseviçə tapşırılıb.

Şirkətdən o da bildirilib ki, Adil Şirinov öz istəyi ilə bu vəzifəni tərk edib. O, bundan sonra “UAZ” və “Sollers Ford” şirkətlərinin fəaliyyətinə diqqətini yönəldəcək: “Şirinov “Aurus”un sənayeləşdirilməsi, tam miqyaslı yerli istehsalın yaradılması və işə salınması ilə bağlı qarşıya qoyulan vəzifələri uğurla yerinə yetirib”.

Qeyd edək ki, “Aurus” zavodu Rusiya prezidenti və hökumətinin üzvləri üçün avtomobil istehsal edir. “Aurus” limuzin, sedan, miniven və SUV təklif edən ilk rus lüks avtomobil markasıdır.

pia.az