Böyük Britaniyada kraliça II Elizabetin ölümündən sonra yaşana biləcək hadisələrlə bağlı gizli raport otraya çıxıb.
Musavat.com xarici agentliklərə istinadən xəbər verir ki, bu barədə “Politico” saytı məlumat yayıb.
Saytın informasiyasına əsasən, həmin məxfi sənəd “London körpüsü əməliyyatı” adlanır. Buna görə kraliça II Elizabet dünyasını dəyişdikdən sonra geniş təhlükəsizlik tədbirlərinin həyata keçirilməsi, habelə sosial mediaya ciddi məhdudlaşdırmalar gətirilməsi planlaşdırırlır.
Plana əsasən, Krallıq ailəsinə məxsus rəsmi internet səhifəsi kraliçanın ölümünü qısa bir açıqlama ilə qara fonda yayacaq.
Böyük Britaniya hökumətinin rəsmi veb səhifələri və sosial media hesablarında da qara elanlar veriləcək. Təcili şəkildə verilməsi tələb olunan informasiyalardan başqa rəsmi icazə olmadan başqa xəbər yayılmayacaq.
Sənədlərdə kraliçanın tabutunun Birmingem sarayından Vestminster sarayına bir alayın müşayiəti ilə aparılacağı və burada 3 gün boyunca sutkada 23 saat xalqın ziyarət etməsinə şərait yaradılacağı göstərilib.
Rəsmi dəfn mərasimi isə kraliçanın ölümündən 10 gün sonra baş tutacaq və həmin tarixlərdə ölkədə matəm elan ediləcək.
Sənəddə kraliçanın ölümü haqqında məlumatın ölkənin baş nazirinə “London körpüsü dağıldı” kod adı ilə xəbər ediləcəyi vurğulanıb.
II Elizabetdən sonra taxta onun böyük oğlu Çarlzın çıxması gözlənir.
pia.az
Digərxəbərlər
Populyar xəbərlər
