Qədim tarixi olan Novruz bayramı xalqımızın hər il böyük təntənə ilə qeyd etdiyi ən gözəl bayramlardan biridir. Əsrlərin sınağından çıxmiş mənəvi dəyərlərimizi, adət-ənənələrimizi özündə yaşadan bu bayram insanlar arasında birliyin və mehribanlığın möhkəmləndirilməsi, onların bir -birinə mərhəmət və diqqət göstərməsi, istsi nəfəsli günlərin həyatımızı rövnəqləndirməsi, taorpağın, suyun yeni vüsətlə oynaması kimi sağlam bir təməl yaratmışdır. Novruz bayramı təbiətin oyanışının başlanğıcı olmaqla başdan-başa ruh yüksəkliyi, əmək coşqunluğu, torpağa, insana məhəbbət gətirən, qəlbləri sevindirən, ətrafı gözəlləşdirən özü ilə abadlıq gətirən bayramdır.
Məhz bu baxımdan Şamaxı rayonuna pənah gətirən hər bir qonaqda bayram əhval ruhiyyəsinin yaranması məqsədilə şəhərin giriş hissəsindəki dairəvi yol mərkəzində bayram atributlarını özündə əks etdirən böyük yaşıllıqla əhatə olunmuş ərazidə novruz kompozisiyası təşkil olunmuşdur. Bu kompozisiya Novruz bayramının təbliği və təşviqi ilə yanaşı rayona səfər edən hər bir şəxsin böyük marağına səbəb olmuşdur ki, bu da turizm infrastrukturuna malik olan region üçün olduqca əhəmiyyətlidir.
Tarixi sınaqlardan çıxmış Novruz bayramının gələcək nəsillərə obrazlı şəklidə çatdırılması məqsədilə bundan sonra da Şamaxı rayonunda bu istiqamətdə işlər davam etdiriləcəkdir.
Bayramınız mübarək!
pia.az
Fotolar
Digərxəbərlər
Populyar xəbərlər
