10 bankın mənfəət vergisi ödəmələri azalıb

Azərbaycanda fəaliyyət göstərən 26 bankdan 5-nin ötənilki mənfəət vergisi ödəmələri əvvəlki illə müqayisədə çox olub.

Bunlar “PAŞA Bank”, “Kapital Bank”, “Naxçıvan Bank”, “AFB Bank” və “Express Bank”dır.

Ən yüksək dinamika “PAŞA Bank”da (64,5%), ən aşağı dinamika isə “Express Bank”da (9,3%) qeydə alınıb.

10 bankın – “Azər-Türk Bank”, “Xalq Bank”, “Azərbaycan Beynəlxalq Bankı”, “Azərbaycan Sənaye Bankı”, “Zıraat Bank Azərbaycan”, “Bank of Baku”, İran Milli Bankının Bakı filialı, “Premium Bank”, “Yapı Kredi Bank Azərbaycan” və “Bank Avrasiya”nın isə mənfəət vergisi ödəmələri azalıb. Ən çox azalma “Bank Avrasiya”da (75,6%), ən az azalma isə “Azər-Türk Bank”da (11,3%) qeydə alınıb.

3 bank – “Rabitəbank”, “Turan Bank” və “Unibank” 2020-ci ildə mənfəət vergisi ödəsə də, 2019-cu ildə ödəməyib. Qalan 8 bank isə həm ötən il, həm də əvvəlki il mənfəət vergisi ödəməyib. Odur ki, həmin bankların vergi ödəmələrinin dinamikasını hesablamaq mümkün olmayıb.

8 bank ötən il mənfəət vergisi ödəməyib

Azərbaycanda fəaliyyət göstərən 26 bankdan 8-i ötən il mənfəət vergisi ödəməyib.

Bunlar “Access Bank”, “Bank BTB”, “Bank Respublika”, “Bank VTB Azərbaycan”, “Günay Bank”, “Muğan Bank”, Pakistan Milli Bankının Bakı filialı və “Yelo Bank”dır.

Onlardan isə 3-ü 2020-ci ili zərərlə başa vurmuş “Bank BTB”, Pakistan bankı və “Yelo Bank”dır ki, onların da vergi ödəməməsi təbiidir.

Qalan 21 bank isə müxtəlif məbləğlərdə mənfəət vergisi ödəyib. Bu baxından ən yüksək göstərici “Kapital Bank”da (61,136 milyon manat), ən aşağı göstərici isə İran Milli Bankının Bakı filialında (9 min manat) qeydə alınıb. (Renkinq)

pia.az