Aqil Məmmədovun “El ağsaqalları öz xeyir-duasını da verdi”, ifadəsini işlətməsi əslində təbliğat xarakterlidir və icra başçısı ağsaqqaalların onun tərəfində olduğunu deyərək, nüfuzunu təbliğ edir...
Kəlbəcər Rayon İcra Hakimiyyətinin başçısı Aqil Məmmədovun 9 fevral 2020-ci ildə keçiriləcək növbədənkənar parlament seçkilərində iştirak etmək üçün123 saylı Kəlbəcər Seçki Dairəsindən namizədliyi qeydə alınıb.
Bu barədə Modern.az-a icra başçısı özü məlumat verib.
A.Məmmədov imzatoplama kampaniyasında ona dəstək olan hər kəsə təşəkkürünü bildirib:
“Bəzən işlərin çoxluğundan vətəndaşlarla şəxsən görüşə bilmirdim. Yeni Azərbaycan Partiyası tərəfindən müəyyənləşdirilmiş şəxslər bu işdə aktiv fəaliyyət göstərdilər. Bizim yaşadığımız ərazidə də oldular. El ağsaqalları öz xeyir-duasını da verdi. Hamımız üçün uğurlu olsun inşallah”.
İcra başçısı qeyd edib ki, yanvarın 7-dən etibarən məzuniyyətə çıxacaq:
“Sabahdan etibarən öz hesabıma məzuniyyətə çıxıram. Bu müddətdə icra başçısı səlahiyyətlərini birinci müavin Eldəniz Mehtiyev icra edəcək”.
PİA.az qeyd edir ki, İcra başçısının açıqlamasında əslində Seçki Məcəlləsindən irəli gələn tələblərin pozulma halı mövcuddur. Aqil Məmmədovun “El ağsaqalları öz xeyir-duasını da verdi”, ifadəsini işlətməsi əslində təbliğat xarakterlidir və icra başçısı ağsaqqaalların onun tərəfində olduğunu deyərək, nüfuzunu təbliğ edir.
pia.az
Digərxəbərlər
Populyar xəbərlər
