İdlibdə yenə terror...
Suriyada Bəşər Əsəd rejiminin dəstəklədiyi silahlı qruplaşmalar Hələbin cənub çölündəki Azzam dağında olan mövqelərindən İdlib bölgəsindəki düşərgələrə hücum edib.
APA-nın “Anadolu” agentliyinə istinadən verdiyi məlumata görə, raket hücumları nəticəsində əksəriyyəti uşaq olmaqla 12 dinc sakin öldürülüb, azı 40 nəfər isə yaralanıb.
İdlibin mülki müdafiə qrupları bölgədə axtarış-xilasetmə və yanğın söndürmə işlərini davam etdirir. Hücumda çox sayda çadıra ziyan dəyib.
Raket hücumu nəticəsində yaralananlardan 4 nəfəri Türkiyəyə aparılıb. Yaralılar təcili tibbi yardım xidməti vasitəsilə xəstəxanalara çatdırılıb.
pia.az