Qarabağ separatçılarının başçısı Bako Saakyan Azərbaycan ordusunun “ovcunun içində” olan Talış kəndinə gəlib
Erməni mətbuatı Saakyanın “aparat işçiləri” ilə birlikdə kənd sakinləri ilə görüş keçirdiyini, tapşırıqlar verdiyini yazıb. Məlum olduğu kimi, Talış kəndi aprel döyüşlərindən sonra ordumuzun nəzarəti altına düşüb. Sadəcə Azərbaycan hələ ki, əldə olunan atəşkəs rejiminə sadiqlik nümayiş etdirdiyi üçün sərt tədbirlərə əl atmır. Bundan istifadə edən B.Saakyanın ön xətdəki kəndə gəlməsi bir tərəfdən işğalçı ordunun əsgərlərinə stimul vermək məqsədi daşıyır. Digər tərəfdən isə separatçı lider aprel savaşından sonra kəndə qayıtmağa cəsarət etməyən sakinlərin geri dönməsinə təkan vermək üçün şou göstərir.
Qeyd edək ki, ötən il də Talış kəndində bəzi obyektlərin tikintisi həyata keçirilmişdi. “Hayastan” Ümumermənistan fondunun dəstəyi və ABŞ-da yaşayan erməni xeyriyyəçi Andranik Baqdasaryanın maliyyəsi hesabına icma binası da inşa olunmuşdu. Bütün bunlarla ermənilər Azərbaycanın Cocuq Mərcanlıya qayıdış tədbirlərinə “cavab” verməyə cəhd göstərirlər.(musavat.com)
pia.az