Moldovanın İnformasiya və Təhlükəsizlik Xidmətinin (İSS) direktoru Aleksandr Mastiata bildirib ki, ölkənin hüquq-mühafizə orqanları Rusiya ilə əlaqəli olduğu iddia edilən, respublika ərazisində fəaliyyət göstərən agentlər şəbəkəsini üzə çıxarıb...
Poliqon xəbər verir ki, Aleksandr Mastiata bu barədə brifinqdə bildirib.
Mastiatanın sözlərinə görə, 2020-ci ildən ruslar Yuri Q. və Vadim I. respublikada siyasətə təsir etmək və onu Rusiyanın təsir dairəsində saxlamaq üçün kampaniyalar təşkil edərək, Moldova vətəndaşlarını öz sıralarına cəlb ediblər. O, agentlərin Telegram kanalları vasitəsilə işlədiyini və agent şəbəkəsinin fəaliyyətinə kriptovalyuta vasitəsilə sponsorluq edildiyini qeyd edib.
Moldova kəşfiyyat xidmətinin məlumatına görə, Rusiya Federasiyasının vətəndaşları qanunvericilərin planları, siyasətçilər haqqında kompromat məlumatları toplayıb və sosial şəbəkələrdə kampaniyalar təşkil edib, 24 fevral 2022-ci il tarixindən sonra vətəndaşları zorakılıq aksiyalarında iştirak etmək və ya təhrik etmək üçün cəlb ediblər.
İSS rəhbəri bu məqsədlər üçün kriptovalyuta və digər sistemlər vasitəsilə Rusiyadan Moldovaya 500 min dolların köçürüldüyünü iddia edib.
Poliqon.info
Digərxəbərlər
Populyar xəbərlər
