Demokratlar Partiyasının nümayəndəsi, vitse-prezident Kamala Harris ABŞ prezident seçkilərində qalib gəlsə, Nümayəndələr Palatasının eks-spikeri Nensi Pelosinin girovuna çevriləcək...
Poliqon xəbər verir ki, bu fikri American Conservative-nin redaktoru Kollin Pruett bildirib.
Müəllifin fikrincə, hazırkı dövlət başçısı Co Baydenin prezidentlik yarışından geri çəkilmək qərarı keçmiş partiya qüvvələrinin, parlament elitasının və sponsorların təsiri altında qəbul edilib və burada Nensi Pelosi mühüm rol oynayıb.
Pruett yazır ki, Pelosi mahiyyət etibarı ilə "prezidenti qanunverici orqanın himayədarı səviyyəsinə endirib" və onun varisi Kamala Harrisi başa keçirib. Jurnalist iddia edir ki, Nümayəndələr Palatasının keçmiş spikeri əslində ABŞ Konstitusiyasını dəyişib.
Beləliklə, müəllif hesab edir ki, Harris sponsorların, departament rəhbərlərinin və Konqres rəhbərliyinin qərarlarının girovuna çevriləcək və gedən böhran proseslərini kənardan müşahidə edəcək.
"Bu, Kamala Harrisin faciəsidir", deyə Pruett qeyd edib.
İyulun 21-də Co Bayden prezidentlik yarışını tərk etdiyini açıqlayıb. O qeyd edib ki, hazırkı səlahiyyət müddətinin qalan hissəsində prezident kimi öz vəzifələrini yerinə yetirməyə diqqət yetirsə, Demokrat Partiyası və ölkə üçün daha yaxşı olar.
Ertəsi gün ABŞ-ın vitse-prezidenti Kamala Harris Demokratlar Partiyasından prezident seçkilərində namizədliyini irəli sürəcəyini açıqlayıb.
Poliqon.info
Digərxəbərlər
Populyar xəbərlər
