İsrailin İrana zərbə endirdiyi hədəfi nə olub?

Poliqon xəbər verir ki, The New York Times qəzeti mənbələrə istinadən yazıb ki, İsrailin hədəfi İranın aviabazası olub. Qəzetinmənbələrinin sözlərinə görə, bu hücum İsrailin aprelin 15-də İranın hücumuna ilk cavabı olub.

Nəşrin qeyd etdir ki, 8-ci taktiki hava bazası ölkənin mərkəzi hissəsində yerləşir. Uçuş izləmə saytlarının məlumatına görə, mülki təyyarələr marşrutlarını dəyişərək İsfahan ərazisi ətrafında uçmağa başlayıblar.

Eyni zamanda, İran Kosmik Agentliyinin nümayəndəsi Hüseyn Dalirian ölkənin hava hücumundan müdafiə qüvvələrinin bir neçə pilotsuz təyyarəni vurduğunu, lakin raket hücumu ilə bağlı hələlik məlumat olmadığını bildirib.

İranın “Fars” News qəzeti İsfahanın mülki hava limanı yaxınlığında partlayış səslərinin eşidildiyini yazıb.

Bundan əvvəl İranın hava hücumundan müdafiə sistemlərinin bir neçə əyalətdə işə salındığı məlum olub. Media Tehran, İsfahan və Şiraza bütün uçuşların dayandırıldığını bildirib.

Poliqon.info