İŞİD öldürülmüş rusiyalı hərbçilərin görüntüsünü yaydı

Videoçarx internetdə ekstremistlərin dərc etdiyi materialları izləyən “SITE Intelligence Group” təşkilatının diqqətini çəkib.

Yaraqlılar yük maşınının kuzovuna yüklənmiş meyitlər arasında rusiyalı hərbçilərdən başqa əsir düşmüş yaralı suriyalı hərbçinin də olduğunu bildirirıər. Onların Homs əyalətində baş verən toqquşma zamanı həlak olduğu iddia olunur.

Müdafiə Nazirliyi yayılmış videoçarxa hələlik münasibət bildirməyib.

Oxu.az xatırladır ki, martın 25-də Rusiya Müdafiə Nazirliyi Suriyada üç hərbçinin öldüyü barədə məlumat yaymışdı. Məlumata görə, onlar fevralın sonunda Deyr-əz-Zorun yaşayış məntəqələrindən birinə humanitar yardım çatdıran zaman mühasirəyə düşüblər.

Moskva rusiyalıların döyüşdüyünü və itkin düşdüyünü açıqlasa da, sonradan onların öldüyünü təsdiqləmişdi. Müdafiə Nazirliyi rusiyalı hərbçilərin öldürülməsində əli olan terrorçuların məhv edildiyini açıqlamışdı.

pia.az