Birləşmiş Ştatlar İsrail hakimiyyətini məlumatlandırıb ki, Amerika təyyarədaşıyan gəmiləri yəhudi dövlətini İrandan qorumaq üçün regionda əbədi olaraq qala bilməyəcək...
Poliqon xəbər verir ki, bu barədə İsrailin Kanal 13 telekanalı məlumat yayıb.
Telekanalın məlumatına görə, Vaşinqton İsrailə müraciətində qeyd edib ki, Amerika təyyarədaşıyanları bölgədə əbədi qala bilməyəcək və buna görə də regionda gərginliyin səviyyəsi daim azaldılmalıdır.
ABŞ dövlət katibi Entoni Blinken isə bildirib ki, Qəzza zolağında atəşkəs razılaşması tamamlanmaq üzrədir, hazırda bütün şərtlərin 90%-i razılaşdırılıb. Bu barədə o, Haitiyə səfərindən sonra Port-o-Prinsdə keçirdiyi mətbuat konfransında bildirib.
"Biz bu məsələ üzərində fəal işləyirik və fikrimcə, razılığın 90%-i artıq əldə olunub. Bununla belə, kompromis tapılmalı olan bir sıra kritik məsələlər qalmaqdadır. Bu suallar sazişin müəyyən elementlərinin həyata keçirilməsi ilə bağlıdır", deyə Blinken bildirib.
O, aydınlaşdırıb ki, son günlər Filadelfiya dəhlizi, girov və əsirlərin mübadiləsi kimi məsələlər müzakirə olunub.
Blinken və İsrailin baş naziri Benyamin Netanyahu Qəzza zolağında atəşkəs danışıqlarının gedişi ilə bağlı fikir ayrılığına düşüblər. Belə ki, Netanyahu İsraillə Fələstinin HƏMAS hərəkatı arasında razılığa gəlməzdən əvvəl hələ də ciddi məsafənin olduğunu bildirib.
Bundan əvvəl Blinken Qəzza zolağında atəşkəsin həyata keçirilməsinin həm Fələstinin HƏMAS radikal qruplaşmasının, həm də İsrail tərəfinin hərəkətlərindən asılı olduğunu bildirib.
Poliqon.info
Digərxəbərlər
Populyar xəbərlər
