ABŞ prezidenti Donald Trampın milli təhlükəsizlik üzrə keçmiş müşaviri olmuş Con Bolton hesab edir ki, Ukraynanın yaz hücumu əhəmiyyətli irəliləyişlərə səbəb olmasa, Rusiya prezidenti Vladimir Putin yaxın iki ay ərzində atəşkəs təklif edə və dərhal danışıqlara başlaya bilər...
Poliqon xəbər verir ki, Boltonun sözlərinə görə, Çin bu prosesdə vasitəçi kimi çıxış edə bilər.
"19FortyFive" portalı üçün hazırladığı məqalədə keçmiş müşavir yazır ki, Putinin “əsas rıçaqları” Ukraynanın yay hücumunda “nisbi uğursuzluğu” olacaq. Con Boltonun fikrincə, "belə vəziyyətdə Berlində, Parisdə və hətta Vaşinqtonda siyasi liderlər atəşkəsə razılaşmağa və danışıqlara girməyə şirnikləşəcəklər”.
O, iddia edir ki, Avropada Ukraynaya xaricdən ritorik dəstəyə baxmayaraq, hərbi və maliyyə yardımının səviyyəsi ləng, istəksiz və qeyri-kafi olub, buna görə də çoxları münaqişəni geridə qoymaq istəyəcək.
Avqustda Ukraynanın xarici işlər naziri Dmitri Kuleba demişdi ki, ölkəsi heç vaxt Vladimir Putinlə danışıqlara razı olmayacaq, çünki ona etibar etmirlər. Alternativ olaraq, nazir Rusiya-Ukrayna münaqişəsinə son qoymaq üçün danışıqlara üçüncü tərəfin cəlb oluna biləcəyini göstərib.
Ukrayna Milli Təhlükəsizlik və Müdafiə Şurasının katibi Oleksiy Danilov hesab edir ki, Putinlə danışıqlar Qərb ölkələri üçün fiaskoya çevriləcək.
Poliqon.info