Böyük Britaniya, Fransa və Almaniya cümə axşamı günü ölkənin nüvə proqramı və ballistik raketlərin inkişafı ilə əlaqədar İrana qarşı sanksiyaları davam etdirəcəklərini açıqlayıblar...
Poliqon xəbər verir ki, bu barədə Associated Press Agentliyinin məlumatında bildirilir. Birgə bəyanatda ölkələr, Birgə Hərtərəfli Fəaliyyət Planı (JCPOA) olaraq da bilinən sazişə “İranın ardıcıl və ciddi şəkildə əməl etməməsinə birbaşa cavab” olaraq sanksiyaları davam etdirəcəklərini bildiriblər.
Qeyd olunur ki, sanksiyalar Tehran sazişin şərtlərinə “tam əməl edənə” qədər qüvvədə qalacaq.
Sanksiyaların müddəti oktyabrın 18-də başa çatmalı idi.
İran Xarici İşlər Nazirliyi öz növbəsində Avropanın qərarını əməkdaşlığa mane olacaq “qanunsuz, təxribat xarakterli hərəkət” adlandırıb.
“Avropa tərəflərinin hərəkətləri, şübhəsiz ki, gərginliyin azaldılması və JCPOA tərəfləri arasında əməkdaşlığın genişləndirilməsi üçün əlverişli mühitin yaradılması səylərinə mənfi təsir göstərəcək”, - IRNA xəbər agentliyi Xarici İşlər Nazirliyindən sitat gətirib.
Xatırladaq ki, İran, Britaniya, Almaniya, Çin, Fransa və Rusiya JCPOA-nı bərpa etmək üçün Vyanada bir neçə raund danışıqlar aparıblar. Danışıqlarda fasilə yaranıb və bu günə kimi də davam edir.
Poliqon.info
Digərxəbərlər
Populyar xəbərlər
