Azərbaycan millisinin üzvü Bolqarıstan klubuna 30 min avroya satıldı

Azərbaycan millisinin üzvü Cəlal Hüseynov karyerasını ölkə xaricində davam etdirəcək.

Oxu.Az saytının əldə etdiyi məlumata görə, “Zirə” 20 yaşlı müdafiəçini Bolqarıstanın “Arda” klubuna satıb.

Son mövsümü “Şamaxı”da keçirən gənc oyunçu üçün bolqarlar 30 min avro ödəməyə razılaşıblar. Bundan başqa, növbəti satışdan “Zirə”yə müəyyən pay düşəcək.

Yaxın zamanda keçid rəsmən açıqlanacaq.

C.Hüseynov ötən mövsüm “Şamaxı”nın heyətində Azərbaycan Premyer Liqasında 33 oyun keçirib və bir məhsuldar ötürmə edib. O, yığma komandada 5 matçın iştirakçısı olub.

Poliqon.İnfo