Gələcək Azərbaycan Partiyası avqustun 13-də qurultay keçirəcək.
Bu barədə Pravda.az-a partiyadan məlumat verilib.
Qeyd olunub ki, 2013-cü ildə təsis edilən Gələcək Azərbaycan Partiyası bu günədək dövlət qeydiyyatı olmadan fəaliyyət göstərməkdədir.
“Artıq 7 ildir ki, fəaliyyətdə olan GAP bu anadək bir dəfə də olsun Ədliyyə Nazirliyinə dövlət qeydiyyatı ilə bağlı müraciət etməmişdir. Partiyanın uzun müddət dövlət qeydiyyatında olmadan fəaliyyət göstərməsini nəzərə alaraq GAP İdarə Heyyətinin qərarı ilə partiyanın dövlət qeydiyyatına alınması üçün növbədənkənar avqustun 13-də qurultay keçirilməsi haqqında qərar qəbul etdik. Təbii ki, karantin şəraitində qurultayımız onlayn keçiriləcək. Qurultayın keçirilməsində məqsəd, zamanın tələblərinə uyğun olaraq partiyanın Nizamnamə və Məramnaməsinə dəyişikliklər edilməsi, partiyaya yeni üzvlərin cəlb edilməsi və qeydiyyatla bağlı Ədliyyə Nazirliyinə ərizə ilə müraciətlə bağlıdır. Eyni zamanda son aylar ərzində bir sıra partiyaların (AzDP, Ağ Partiya, AMCP və sairə) dövlət qeydiyyatına alınması, həmçinin ReAl Partiyasının analoji olaraq onlayın qurultay keçirərək Ədliyyə Nazirliyinə qeydiyyatla bağlı müraciət etməsi bizdə də bir partiya olaraq eyni təcrübədən istifadə etməyə bir qədər həvəs yaradıb. Həmçinin bu addımımızla həm də hakimiyyətin müxalif qüvvələrlə apardığı dialoqu bir test etmiş olacağıq. İstər ReAl Partiyasının, istərsə də rəhbərlik etdiyim Gələcək Azərbaycan Partiyasının dövlət qeydiyyatına alınması və ya alınmaması hakimiyyətin dialoq mühitini nə dərəcədə səmimi aparıb-aparmadığının bir isbatı olacaq...” – məlumatda bildirilib.
pia.az
Digərxəbərlər
Populyar xəbərlər
