Vladimir Putin Kremlin Müqəddəs Georgi zalında xüsusi hərbi əməliyyatın iştirakçılarına “Qızıl Ulduz” ordenlərini təqdim etdikdən sonra 2024-cü ildə prezidentliyə namizəd olmaq qərarına gəldiyini açıqlayıb...
Poliqon “Kommersant” qəzetinə istinadən xəbər verir ki, Putin bu seçkidə də qalib gəlsə, beşinci dəfə dövlət başçısı olacaq.
Mərasimdən sonra prezident təltif olunan Rusiya Qəhrəmanları ilə söhbət edib. DXR Qəhrəmanı, “Sparta” batalyonunun komandiri Artem Coqa Vladimir Putindən seçkiyə getməyi xahiş edib. Qalanları da müraciətə qoşulublar.
Qeyd edək ki, dekabrın 6-da Federasiya Şurası prezident seçkilərini 2024-cü il martın 17-nə təyin edib. Seçki üç gün ərzində baş tutacaq: 15, 16 və 17 mart. MSK təhlükəsizlik rəsmiləri ilə məsləhətləşmələrdən sonra dekabrın 12-dək Ukraynanın işğal olunmuş regionlarında seçkilərin keçirilməsi barədə qərar qəbul edəcək.
Son sorğuya görə rusların 70%-i Vladimir Putinin yeni prezidentlik müddətinə namizədliyini dəstəkləyir.
Poliqon.info