Fevralın 6-na keçən gecə Türkiyədə baş verən zəlzələ son yüz ildə Avropa regionunda ən dəhşətli təbii fəlakət olub...
Poliqon.info xəbər verir ki, bu barədə Ümumdünya Səhiyyə Təşkilatının (ÜST) Avropa Regional Bürosunun direktoru Hans Klyuqe keçirdiyi mətbuat konfransında deyib.
Klyuqe bildirib ki, fəlakətin miqyası hələ dəqiqləşdirilir. Onun sözlərinə görə, zəlzələ nəticəsində Türkiyədə 31 mindən çox insan ölüb, 100 minə yaxın insan yaralanıb, Suriyada isə 5 mindən çox insan ölüb.
“Bütün bu rəqəmlərin artacağı ehtimalı var”, deyə Klyuqe bildirib.
Qey edək ki, son məlumatlara görə, zəlzələ qurbanlarının sayı 41 219 nəfər olub. Türkiyədə 35 418, Suriyada 5 801 nəfər ölüb.
Hazırda zəlzələ zonasında xilasetmə işləri davam edir.
Fevralın 6-na keçən gecə Türkiyənin cənub-şərqində 7,7 bal gücündə zəlzələ baş verib. Suriyaya da təsir edib, yeraltı təkanlar Livan, İraq, Misir, Yunanıstan, Gürcüstan, Ermənistan və Kiprdə hiss olunub.
Poliqon.info
Digərxəbərlər
Populyar xəbərlər
