Soyuq hava bizi xəstə edə bilər?

PİA.az “Popular Science”-a istinadən xəbər verir ki, ABŞ-ın məşhur Yel Universitetinin tədqiqatçılarının araşdırmalarına görə, rinovirusun soyuq mühitlərdə (məsələn, burun boşluğunda) bədənin qalan hissəsinə nisbətən daha asan çoxaldığını bildirirlər. Yel Universiteti Tibb Fakültəsinin dosenti Elen Foksman bildirib ki, bunun səbəbi çoxdandır ki, sirr olaraq qalır.

“İndiyə qədər təqdiqatçılar virusun soyuqda təsirinin artdığını və ya immunitet sisteminin soyuqda zəif işlədiyini bilmirdilər”. - deyə Foksman deyib.

Foksman və həmkarları immun sisteminin müxtəlif temperaturlarda rinovirusa necə reaksiya verdiyini araşdırıblar. Alimlər laboratoriyada siçanların tənəffüs yollarından götürülmüş hüceyrələri tədqiq edərək müəyyən ediblər ki, immun sistemi aşağı temperaturda daha az miqdarda interferon adlı zülal istehsal edir ki, bu da soyuqdəymə virusunun çoxalmasına səbəb olur.

2016-cı ildə nəşr olunan araşdırmada insan hüceyrələrində də oxşar nəticələrin əldə edildiyi bildirilir. Bədənin hərarəti yüksək olduqda, anadangəlmə immun sistemi daha aktiv olur ki, bu da virusların çoxalmasının qarşısını alır və virus genomunu pozan ferment daha yaxşı işləyir.

Burnunuzu isitmək üçün soyuq havada şərf taxmaq soyuqdəymənin qarşısını almağa kömək edə bilər, lakin Foksman virusların burnunuza, ağzınıza və ya gözünüzə keçməməsi üçün tez-tez əlləri yumağı tövsiyə edir. “Əgər virus burnunuzda deyilsə, onsuz da infeksiyaya səbəb ola bilməz” deyə alim qeyd edir.

COVID-19 epidemiyasında gördüyümüz kimi, qripə yoluxmamaq üçün daha təsirli üsul, insanların sıx olduğu və qapalı yerlərdə maska taxmaqdır.

pia.az