2024-cü ildə Rusiya Federasiyasının hərbi-sənaye kompleksi ordunu təxminən 1500 tank və 3000 digər zirehli texnika nümunəsi ilə təchiz etməyi planlaşdırır. Gələn il üçün də eyni məbləğ nəzərdə tutulub...
Poliqon xəbər verir ki, bu barədə Britaniyanın RUSI analitik institutu (Royal United Services Institute) məlumat yayıb.
Bu rəqəmin təqribən 85%-i anbar bazalarından yenilənəcək və təkmilləşdiriləcək. Bununla belə, yeni nümunələrin sayı da artır.
Məsələn, əgər ötən ilin birinci rübündə "Kurqanmaşzavod" 100 ədəd BMP-3 piyada döyüş maşını istehsal edirdisə, ikinci rübdə bu rəqəm 108-ə yüksəlib. Üçüncü rübdə 120 belə BMP istehsal edilib, dördüncü rübdə isə bu piyada döyüş maşınının 135 ədədini istehsal etmək mümkün olub.
Ekspertlər həmçinin bildiriblər ki, ruslar bu il 1,3 milyon 152 mm-lik mərmi istehsal etməyə ümid edirlər. BM-21 "Qrad" üçün 122 mm-lik raketlərdən danışsaq, o zaman onlardan 500 mini istehsal etməyi planlaşdırırlar. Bu və növbəti il üçün "Uraqan" zenit-raket müdafiə sistemi üçün nəzərdə tutulan 220 mm-lik raketlərin sayı 17.000 ədəddir.
Ümumiyyətlə, hesabat müəllifləri göstərirlər ki, Qərb dövlətləri Rusiya müdafiəsi üçün mühüm resursların tədarükünün qarşısını almaq məqsədi ilə öz imkanlarını həddindən artıq qiymətləndiriblər.
Poliqon.info
Digərxəbərlər
Populyar xəbərlər
