Şimali Koreya Rusiyaya təxminən 3 milyon 152 mm-lik mərmi ehtiva edən 6700 konteyner göndərib...
Poliqon Bloomberg-ə istinadən xəbər verir ki, bunu Cənubi Koreyanın müdafiə naziri Şin Von-şik bildirib.
Məlumata görə, bunun müqabilində Rusiya Şimali Koreyaya ərzaq, xammal və silah istehsalında istifadə olunan hissələri tədarük edir. Cənubi Koreyanın müdafiə nazirinin sözlərinə görə, ərzaq yardımı Kim Çen Ina ilkin tələbat mallarının qiymətlərini sabitləşdirməyə kömək edib. Şin Von-şik hesab edir ki, əgər silah tədarükü genişlənməkdə davam edərsə, Rusiya Şimali Koreyaya getdikcə daha çox hərbi texnologiya ötürəcək və bu, Pxenyanın regionu təhdid etmək qabiliyyətini artıra bilər.
Cənubi Koreyanın mərkəzi bankı Şimali Koreyanın illik iqtisadiyyatının təxminən 25 milyard dollar olduğunu təxmin edir və ölkənin beynəlxalq ticarət üçün ərzaq, neft, tikinti materialları və valyutaya böyük ehtiyacı var. Kim Çen Inın Rusiyaya tədarük etdiyi silahların dəyəri çox güman ki, bir neçə milyard dollardır və Putindən aldığı dəstək Şimali Koreya liderinin 12 il əvvəl hakimiyyətə gəlişindən bəri əldə etdiyi ən böyük nailiyyətlərdən biridir.
Poliqon.info
Digərxəbərlər
Populyar xəbərlər
