Rusiyada “Rostex” dövlət korporasiyasının bütün təşkilatlarının əməkdaşlarına iş rabitələrində Apple mobil cihazlarından istifadə etmək qadağan olunub...
Poliqon xəbər verir ki, bu barədə TASS Agentliyi dövlət korporasiyasının mətbuat xidmətinə istinadən məlumat yayıb.
“Həqiqətən də, korporasiyanın bütün təşkilatlarında işdə Amerika istehsalı olan avadanlıqların istifadəsinə tam qadağa tətbiq edilib”, deyə qurumdan bildirilib.
Bir gün əvvəl Rusiyanın Sənaye və Ticarət Nazirliyi rəsmi olaraq təsdiqləyib ki, iyulun 17-dən onun əməkdaşlarına Amerikanın Apple şirkətinin iPhone smartfonlarından iş yazışmaları üçün istifadə etmək qadağan olunacaq.
İyulun əvvəlində “Vedomosti” qəzeti belə planlar barədə məlumat yayıb. Nəşrin məlumatına görə, qadağa tabeli təşkilatların işçilərinə də təsir edəcək.
Qəzet bu barədə nazirin birinci müavini Vasili Osmakovun imzaladığı daxili əmrə istinad edib. Sənaye və Ticarət Nazirliyinin daxili qadağası ilə bağlı məlumatı jurnalistlərə İT həlləri hazırlayan şirkətlərdən birinin əməkdaşı təsdiqləyib.
Rusiya prezidentinin mətbuat katibi Dmitri Peskov iyun ayında bildirib ki, prezident administrasiyasının əməkdaşlarına Apple qadcetlərindən rəsmi məqsədlər üçün istifadə etmək qadağan edilib.
Poliqon.info
Digərxəbərlər
Populyar xəbərlər
