Sunak parlament seçkilərində məğlub olduğunu etiraf edib

Böyük Britaniyanın baş naziri Rişi Sunak Leyboristlər Partiyasının lideri Kir Starmeri parlament seçkilərində qazandığı qələbə münasibətilə təbrik edib.

Poliqon xəbər verir ki, bu barədə “Sky News” telekanalı məlumat yayıb.

“Leyboristlər ümumi seçkilərdə qalib gəldi və mən ser Kir Starmerə zəng edərək onu qələbə münasibətilə təbrik etdim. İndi mən Londona yollanacam və orada hər şeyimi verdiyim baş nazir postunu tərk etməzdən əvvəl bugünkü nəticələr haqqında ictimaiyyətə ətraflı məlumat verəcəyəm. güc”,deyə Sunak seçki qərargahında bildirib.

Qeyd edək ki, Britaniya parlamentinə seçkilərin yekun nəticələri 07:00 (Bakı vaxtı ilə 10:00) radələrində məlum olacaq. Səsvermə məntəqələri bağlandıqdan dərhal sonra açıqlanan “exit-poll”un nəticələrinə görə, İcmalar Palatasında 650 yerdən 410-unu qazanaraq Leyboristlərin qalib gələcəyi gözlənilir. 2010-cu ildən ölkəni idarə edən Mühafizəkarların cəmi 131 mandat qazanaraq ciddi məğlubiyyət alacağı bildirilir.

Poliqon.info