Braziliyanın eks-prezidenti dövlət əmlakını mənimsəməkdə ittiham olunur

Poliqon xəbər verir ki, bu barədə Braziliyanın “Globo” nəşri məlumat yayıb. İttihama baxmayaraq, polis onun həbsi üçün order tələb etməyib.

“Globo” nəşrinə görə, Jair Bolsonaro prezident vəzifəsini icra edərkən, onun köməkçiləri Səudiyyə Ərəbistanı və Bəhreyndən göndərilən ən azı dörd hədiyyəni satıb və ya satmağa cəhd ediblər. Onların arasında 3,2 milyon dollar dəyərində qızıl-zinət əşyaları da var.

Reuters Agentliyi mənbələrə istinadən xəbər verir ki, fevral ayında polis Jair Bolsonaroya pasportunu təhvil verməyi tələb edib. Belə ki, o, mümkün həbs ərəfəsində ölkəni tərk etmək imkanından məhrum edilib. Bundan bir qədər əvvəl polis prezident cənab Bolsonaronun dövründə bu postları tutan keçmiş nazirlərlə əlaqəli mülklərə dair axtarış qərarı alıb.

Xatırladaq ki, Jair Bolsonaro 2019-2023-cü illərdə Braziliya prezidenti olub. O, 2024-cü il yanvarın 1-də dövlət başçısı postunu tərk edib. Səlahiyyət müddətinin bitməsinə bir neçə gün qalmış o, ABŞ-a uçub. Bunun ardınca seçkinin nəticələri ilə razılaşmayan keçmiş liderin tərəfdarları etiraz aksiyalarına çıxıblar və onlar Braziliyanın paytaxtında hökumət binalarına basqın ediblər.

Poliqon.info