Tatarıstan Dövlət Şurasının deputatı, Ekologiya, Təbii Sərvətlər, Aqrar-sənaye və Ərzaq Siyasəti Komitəsinin sədri Azat Xamaev parlamentdəki son çıxışında çox emosional olduğuna görə üzr istəyib...
Poliqon xəbər verir ki, respublika parlamentinin oktyabrın 19-da keçirilən 48-ci sessiyasında xalq nümayəndəsi Quranı yandırmaqda şübhəli bilinən gəncin Qroznıdakı istintaq təcridxanasında döyülməsi əhvalatını xatırladıb. O, bildirib ki, Çeçenistan rəhbəri Ramzan Kadırov sonradan 15 yaşlı oğlu Adəmin həmin oğlanı döydüyünü təsdiqləyib və daha sonra onu Çeçenistan Qəhrəmanı adına layiq görüb.
"Bu o deməkdir ki, Rusiya Federasiyasının subyektinin rəhbəri oğluna adam döydüyünə görə Qəhrəman adı verir. Özü də bu fikrini daha da inkişaf etdirərək deyir ki, o, bütün müsəlmanların qəhrəmanıdır. Buna görə kim cavab verməlidir", deyə Xamaev bildirib.
Lakin həmin gün Xamaev qeyd edib ki, o, sırf şəxsi fikrini ifadə edir, həmkarları bunu dəstəkləməyib. Deputat həmçinin çıxışına görə üzr istəyib.
"Qardaş xalqlar arasında münasibətlərə xələl gətirə biləcək emosional ifadəmə görə üzr istəyirəm", deyə Xamaev bildirib.
Poliqon.info
Digərxəbərlər
Populyar xəbərlər
