Rusiya XİN: Haniyənin öldürülməsini qəbuledilməzdir...

Poliqon “RİA Novosti” Agentliyinə istinadən xəbər verir ki, Rusiya xarici işlər nazirinin müavini Mixail Boqdanov Fələstinin HƏMAS hərəkatının Siyasi Bürosunun rəhbəri İsmayıl Haniyənin öldürülməsini qəbuledilməz adlandırıb. Diplomat hesab edir ki, baş verənlər Qəzza zolağında hərbi əməliyyatların dayandırılması üzrə danışıqlara mənfi təsir göstərəcək.

“Bütün bunlar çox pisdir. Bu, tamamilə qəbuledilməz siyasi qətldir və bu, gərginliyin daha da artmasına gətirib çıxaracaq”, deyə Mixail Boqdanov bildirib.

Xatırladaq ki, HƏMAS siyasi bürosunun rəhbəri iyulun 31-nə keçən gecə Tehrandakı iqamətgahına hücum zamanı öldürülüb. İsmayıl Haniyə İranın yeni prezidenti Məsud Pezeşkiyanın andiçmə mərasimində iştirak etmək üçün Tehrana gəlib. HƏMAS hadisəyə görə İsraili günahlandırıb. İsrail rəsmiləri hələlik məlumatı şərh etməyiblər. “The Times of Israel” xəbər verir ki, baş nazir Benyamin Netanyahu nazirlərdən hadisəni açıq şəkildə müzakirə etməməyi tələb edib.

Poliqon.info