Paşinyan Azərbaycan xalqı ilə nə danışmaq istəyir?

Bunu Teleqraf.com-a politoloq Natiq Miri deyib.

Onun sözlərinə görə, Nikol Paşinyan bir müddət əvvəl Dağlıq Qarabağ danışıqlarında format məsələsini ortaya atmaqla həm məsuliyyətdən yayınmağa, həm də vaxt qazanmağa çalışdı:

“Hesab edirəm ki, “Azərbaycan xalqı ilə danışmağa hazıram” açıqlaması da növbəti dəfə baş qatmağa və zaman qazanmağa yönəlikdir. Amma zənnimcə, Paşinyana bir daha başa salmaq lazımdır ki, Azərbaycan xalqı heç bir nəticəsi olmayan görüşlərə nəinki marağı, heç dözümü də yoxdur. Bu, birmənalı şəkildə onun diqqətinə çatdırılmalıdır. Çünki Paşinyan xalqın istəyi ilə hakimiyyətə gəlsə də, nəzərə almaq lazımdır ki, o, tipik ermənidir. Habelə o da ermənilərin qondarma iddialarından kənar başqa vəzifə icra etmir.

Düşünürəm ki, Ermənistana başa düşə biləcəyi dildə cavab vermək lazımdır. Bu da hərbi dildir. Paşinyan nə qədər boğazdan yuxarı populist fikirlər səsləndirsə də, bütün zamanlarda Azərbaycan ordusunun qüdrətini görməlidir. Yalnız bu halda Paşinyan bu cür absurd fikirlərdən imtina edə bilər. Çünki Paşinyanın Azərbaycan xalqına deyə biləcəyi sözü yoxdur”.

Natiq Miri qeyd edib ki, XVIII əsrdə qaraçılar kimi sürgün edilən ermənilərə sahib çıxan da Azərbaycan dövləti və xalqı oldu:

“Amma ermənilər onlara çörək verən Azərbaycan xalqına qarşı hansısa güclərin əllərində geosiyasi alətə çevrildilər. Ermənilərin bu xainliyinə görə Azərbaycan xalqının torpaqları işğal edildi. Bu, XX əsrdə də belə olub, bu gün də bu işğal davam edir. Buna görə də, Azərbaycanın xain ermənilərə deyə biləcəyi bir sözü var: “ordunuz cəhənnəm olub bu ərazilərdən çıxmalıdır”. Paşinyanın Azərbaycan xalqına deyə biləcəyi və Azərbaycan xalqının da ondan eşidə biləcəyi bir söz yoxdur”.

Qeyd edək ki, Ermənistan Baş naziri Nikol Paşinyan Azərbaycan xalqı ilə danışmağa hazır olduğunu bildirib. Bu barədə o, özünün Tvitter səhifəsində yazıb.

pia.az