İsrail Livanın cənubundakı “Hizbullah” hərbi obyektlərinə zərbə endirib...
İsrail Müdafiə Qüvvələri (IDF) Livanın cənubunda şiə Hizbullah hərəkatının hərbi obyektlərinə hücum edib.
Poliqon xəbər verir ki, bu barədə İsrail Müdafiə Qüvvələrinin telegram kanalında məlumat verilib.
“Gecə Hərbi Hava Qüvvələrinin qırıcıları “Hizbullah” terror təşkilatının Qila kəndindəki hərbi obyektlərinə hücum edib”, deyə məlumatda bildirilir.
Bundan əlavə, İsrail hərbçiləri ölkənin cənubundakı Rəmiş və Ramiyədəki hədəflərə də artilleriya zərbələri endirib.
Qeyd edək ki, The Wall Street Journal qəzeti İsrail rəhbərliyində “Hizbullah”a hücumun zəruriliyi ilə bağlı mübahisələrə görə parçalanma olduğunu yazıb.
Poliqon.info