Amerikalılar ABŞ-ın iki əsas düşmənini müəyyənləşdiriblər...

Poliqon xəbər verir ki, bunu "YouGov" sorğusunun nəticələri göstərir.

Amerikalıların 25 və 21 faizi Rusiya və İranı "dost olmayan ölkə" hesab edir. Respondentlərin 4 və 2 faizi Moskva və Tehranı dost adlandırıb, yalnız bir faiz Rusiya və İranı Amerikanın müttəfiqi adlandırıb. 15 faiz Rusiyanın ABŞ-a münasibəti barədə qərar verə bilməyib, 20 faiz isə İranla bağlı müvafiq suala cavab verməyib.

Amerikalılara həmçinin ABŞ-ın vitse-prezidenti Kamala Harrisin İsrail və Fələstin münaqişəsinə münasibəti ilə bağlı sual verilib. Respondentlərin 28 faizi onun Fələstinə rəğbətinin olduğunu düşünür, yalnız 13 faizi İsrailin onun dəstəklədiyi tərəf olduğunu deyib. 36 faiz qərarsız qalıb, 23 faiz isə Harrisin hər iki tərəfi bərabər dəstəklədiyini deyib.

Respondentlərin əksəriyyəti (31%) Ukraynanı ABŞ-ın müttəfiqi adlandırıb, 38%-i ölkəni dost hesab edib. Amerikalıların yalnız 5%-i Ukraynanı düşmən hesab edir.

Bundan əvvəl Pew Araşdırma Mərkəzinin sorğusu göstərmişdi ki, amerikalıların 49 faizi Ukraynaya yardımı ABŞ-ın vəzifəsi hesab etmir. Maraqlıdır ki, respondentlərin 34 faizi Rusiyanı ABŞ üçün təhlükə adlandırıb.

Poliqon.info