Avqustun 11-də Yer kürəsini bürümüş maqnit qasırğası bazar ertəsinin sonuna qədər davam edəcək, lakin onun intensivliyi dəyişəcək...
Poliqon Rusiya mətbuatına əsasən xəbər verir ki, bu barədə “Phobos” hava mərkəzinin aparıcı mütəxəssisi Mixail Leys məlumat verib.
Mütəxəssis aydınlaşdırıb ki, əvvəlcə maqnit qasırğasının sinfi G1-ə uyğun gəlib, lakin bazar ertəsi səhərə qədər o, güclənərək orta səviyyəyə - G2 sinfinə çatıb.
“Yenilənmiş proqnozlara görə, maqnit qasırğası demək olar ki, bu günün sonuna qədər davam edəcək və onun intensivliyi ortadan zəifə qədər dəyişəcək”, deyə Leys telegram kanalında yazıb.
Qeyd edilir ki, çərşənbə axşamı, avqustun 13-də geomaqnit sahəsində kiçik pozuntular hələ də davam edəcək, lakin çərşənbə günü Yerin maqnitosferi sakit vəziyyətə qayıdacaq.
Poliqon.info