Almaniya İsraili müdafiə etmək üçün ordu göndərə bilər

Poliqon xəbər verir ki, deputat bu barədə Der Spiegel-ə danışıb.

Onun sözlərinə görə, İranın pilotsuz təyyarələri ilə döyüşmək üçün İsrailə Bundesver "Eurofighter" qırıcılarını göndərmək olar.

Almaniyadakı Yəhudilərin Mərkəzi Şurasının prezidenti Yozef Şuster də Almaniyanı lazım gələrsə, hərbi mənada yəhudi dövlətinin tərəfini tutmağa çağırıb.

Müstəqil Demokrat Partiyasının (FDP) müdafiə eksperti Markus Faber isə bu ideyaya şübhə ilə yanaşır: "Almaniya hökuməti israillilərə silah ixracını daha tez təsdiqləyə bilsə də, Bundesverin İsraildə yerləşdirilməsi istənilməz və kömək etmək üçün çox az şey edə bilər".

Avropa Parlamentinin keçmiş xarici siyasət rəhbəri Elmar Brok (CDU) da oxşar mövqedən çıxış edir: "Biz Hizbullaha qarşı Livana əsgər göndərə bilmərik".

Lakin Brokun sözlərinə görə, Almaniya husilərlə mübarizə aparmaq üçün Qırmızı dənizə daha çox gəmi göndərə bilər - raketlərin qarşısını almaq, gəmilərin təhlükəsizliyini təmin etmək, bu cəbhədə İsrail və ABŞ-ın vəziyyətini asanlaşdırmaq üçün.

Sosial Demokrat Partiyasının (SPD) müdafiə eksperti Andreas Şvars bildirib ki, İsraili müdafiə etmək Almaniya dövlətinin əsas məqsədidir.

Tarixçi Maykl Volfson isə bu müzakirələri zərərli hesab edir: "İsrailin təhlükəsizliyi üçün bu müzakirə tamamilə mənasızdır. Onlar sübut edir ki, Alman dövlət xadimlərinin İsrail haqqında danışması boş söhbətdir. Almaniya yalnız çox təvazökar yardım göstərə bilər".

Volfson alman əməliyyatlarının uğursuzluğuna misal gətirir: "Alman donanması 2006-cı ildən Livan sahillərində üzməkdədir. Onun vəzifəsi Hizbullaha silah verilməsinin qarşısını almaqdır. Hamı etiraf edir ki, bu missiya tam uğursuzluqla nəticələnib. Bununla belə, Bundestaq bu yaxınlarda missiyanı 2025-ci ilin iyun ayının sonuna qədər uzadıb".

Poliqon.info